يوميات زوج حزين – الحلقة الثانية – بلوزة مدام سحر

7 323

يوميات زوج حزين – الحلقة الثانية – بلوزة مدام سحر

آة صحيح نسيت أقول لكم ، مراتي بتغيير عليا موت ( مش عارف علي إية ) و كل يوم تسألني رايح فين و جي منين و هترجع الساعة كام و هتقابل مين و هكذا ….

*  *  *

….و في يوم و أنا راجع من الشغل و داخل عادي و لسة بطلع المحفظة اللي فيها المرتب عشان أسلمة لمراتي ( شئ روتيني ) و قفتني و قالت : أستني عندك .

-في إية ؟

– في ريحة خيانة يا أستاذ .

– ريحة خيانة إزاي ، دة أنا بحط برفان من اللي بيبقي في الأستيكة اللي بطعم الفراولة .

– إية الريحة الحريمي دي ؟

– ريحة حريمي ؟ آآة .. تكونش دي ريحة الأستاذة صفية اللي جت جديد ؟

– تعرف لو عرفت أن أنت بتلعب بديلك كدة و لا كدة ؟

– أنت مربية كلب ؟

– روح يلا حضر العشاء علي ما أخلص المسلسل .

– حاضر يا حبيبتي .. أنت محضرة إية عشان أطبخة ؟

– عدس .. وحش ؟

– لا بالعكس دة واحشني من الفطار .. حبيبي يا أبو جبة !

*  *  *

الموضوع ما وقفش لحد كدة و بس لأ ..

دي خلت أبن خالتها يراقبني في الرايحة و الجاية ، بس ممسكش عليا حاجة ، لأني راجل دغري ، و في يوم خدت مراتي العيال و قالت تروح تزور أمها .. حماتي العزيزة .

-طب أستني أما آجي أوصلك .

-لأ خليك هنا يا حبيبي .

-حبيبك ؟ أنت عايزة فلوس و لا حاجة ؟

-لأ يا حبيبي معايا مرتبك كلة سلام .

و اللي ما كنتش أعرفة أن مراتي ناوية تخرج شوية و تطب عليا ، فكراني بجيب ست في البيت و العياذ بالله ( بإستثناء ناني و شوشو ) .. و للأسف في اليوم دة كانت الدنيا هوا ، فشاء القدر أن تقع بلوزة مدام سحر اللي فوقينا في البلكونة بتاعتنا ، و علي فكرة ، مدام سحر دي الأرملة بتاعت العمارة ، و فجأة لقيت مراتي راجعت و بدأت تفتش في كل حتة في البيت لحد ما لقت البلوزة ..

-دة أنت نهارك أسود النهاردا .

إمضاء / شحاتة

قسم الكسور-مستشفي قصر العيني

المؤلف/كريم محمد

يمكنكم متابعه الحلقة الاولى : يوميات زوج حزين – الحلقه الأولى “حماتى العزيزة ” – لـ كريم محمد

7 تعليقات
  1. Mohamed Saad يقول

    ربنا يخليلك مراتك وحماتك يا كريم ويا ترى مين غيرهم بيحاول يسعدك فى حياتك 😀
    دمت مبدعا

    1. كريم محمد يقول

      ربنا يستر و ما يبقوش زي اللي بكتب عنهم 🙂

  2. sharif rabie يقول

    اكيد كتير جدا بيحاولوا يسعدوه يا محمد☺

    1. Mohamed Saad يقول

      كويس انهم كتير علشان يمتعنا بقصصهم 😀

  3. رواء أحمد عبد العال يقول

    خطير كريم ، أستمر

    1. كريم محمد يقول

      أشكرك 🙂

  4. سحر النحاس يقول

    هههههههههههههههه جميله ياكريم انا دخلت لما لقيت اسمى فى القصه
    قلت اشوف البطله طيبه والا شريره طلع الراجل غلبان هههههههه
    تسلم ايدك

اترك ردك

لن يتم نشر بريدك الإلكتروني .