داوير الزمن – مقال بالعامية – بقلم الزهراء عبد العليم

1

داوير الزمن

الزمن كفيل بتغير كل حاجة كل حاجة حرفياً ، تغير مشاعر وتغير أهداف وتغير ناس وتغير طباع ،،،،

لما ماما مرة وأنا بكبي بشدة لما سبت شغلي وكنت تعبت علشان أوصله وبحبه جدا ومتعلقة بيه قالتلي ” الصبر طيب يابنتي الصبر طيب إصبري ” وقتها مافهمتش هي تقصد إيه كنت فاكرة إن خلاص الدنيا وقفت هنا فقدت ثقتي في كل الناس وف نفسي ……/

ومشيت الأيام وكل حاجة إتغيرت فعلا الأزمة شكلتني من جديد دخل حياتي ناس جديدة علاقتي ال كانت باظت بناس بسبب الأزمة دي رجعت إتصلحت ، وواحدة واحدة بدأت تظهر ملامح الحكمة من إن ربنا حطلي الأزمة دي في طريقي –
وطلعت الدنيا فعلا مش بتقف علي اي حاجة مهما كان حبنا ليها ودرجة تعلقنا بيها – وطلع الصبر طيب فعلا زي ما ماما قالتلي /

الزمن ديما بيعيد ترتيب المشهد – وبيداوي كل الجروح – وبينسي – وبيبني فوق الخراب عمار – الزمن بيمحي ويرسم من جديد – ناس بتمشي وناس بتيجي ناس بتموت وناس بتتولد ..
واخدين إيه إحنا من الدنيا ؟ ولا حاجة ،، شوية الأعمال الكويسة ال ربنا يقدرنا عليها وفي لحظة هنلمهم ونحصل ال مشيوا وهنمشي // بس قبل ما نمشي بقا وفي وسط ملحمة الزمن دي نتمسك بينا ونتكيف بالملاح ال هيشكلها الصبر والأيام ونعيش ونحلم كل مرة من جديد وننسي ال فات ونبص للطريق ننسي ال مشيوا ونحب ال جم ..
نتمسك بال بيسندوا وال بيحنوا وال بيدواي و مانزودش حمل تقيل علي حد فوق حمل الأيام والمعافرة مع الزمن …

في أغنية فيلم كف القمر كارمن سليمان قالت ” أوعوا تتوه الخطاوي واحدة ورا واحدة ” // وفي نفس الأغنية إتقال ” لو جرحوك الليالي نور عيني هو الطبيب ”

وفي تتر النهاية لمسلسل حديث الصباح والمساء أنغام بتقول ” دايرة تدور بالبشر ويا الزمن بتفوت دمعة علي ال مضي ودمعة فرح لل جاي “

تعليق 1
  1. سامي الفولي يقول

    ما أروعك

اترك رد

لن يتم نشر عنوان بريدك الإلكتروني.