بعد الفراق – خاطرة – لـ سحر النحاس

1 861

بعد الفراق

بعـــــد السنين

كنــت فـاكره خلاص جــــــوايا ليك مــــــــات الحنين

لما سمعت صوتك تانى فى ودانى خرس الكلام

ومات على لسانى كان نفسى ابوح لك بحاجات كتير

كنت عايزه ابكى اصرخ أنفجر ….

لكن دموعى حاشها جوايا الأنين

وعـــزه فى النفس تأبى تشــعرك انى مازلت لـك أسير

صدق أن عمرك محتشوف فى عينى دمعه حنين

صدق أن عمر لسانى ما حينطق لك بشوق مهما طالت من سنين

فاكر أنى فى يوم راح أريحك

يعنى أبوح لك باشتياقى باحتياجى لحضن منك ولا للمسه من أيدك لو حاموت

يوماتى ألف مره فى بعدى عنك مش حتلمح دمعه واحدة تنزف من حرقه قلبى الحزين أوعــــــــــــــدكـــ

❀❀❀❀ ❀❀❀❀

خليك مكانك خليك بعيد أوعى تقرب من حياتى والا نارى تحرقك

وأفضل اشوف أنا فى عنيك نظره الحيره بتدبحك

والسؤال التايهه جوه منك من دون أجابه لسه فاكرانى ؟؟؟؟

لسه فاكره حبى بعد كل فراق سنين

أيوه فاكره…. فاكره قد ايه قلبى الحنين هان عليك

ضاع وهو بيترجى منك كلمه وداد ,لحظه صفا وقد ايه استهواك عذابى ليل نهار

كنت تأسى تدوس وتنسى كانت تهون نفسى عليك ويهون معاك فى الانتظار عمرى الطويل

خلاص ودعت صفحه من كتاب عمرى الحزين

اما انت خلى قلبك العنيد يقاسى فى بعدى عنك ينكوى بنار فراقى

حتى وانت عايش هناك مع ناس تانيين

حأفضل انا الى رفضت قلبك بعد ما خنت حب السنين

بقلب جاحد وكذب معشش جوه منك وعيون خداعين

لو حاموت فى عمرى الى باقى الف مره فى بعدى عنك

مش حاعتبك مش حسامحك ولا حتسمع منى همسه حنين

تعليق واحد
  1. احمد خليفه يقول

    جميله جدا

اترك ردك

لن يتم نشر بريدك الإلكتروني .