ذكريات دمياطية جداً – الحلقة الأولى – لـ منار وجدي

24 2٬183

ذكريات دمياطية جداً – الحلقة الأولى – لـ منار وجدي

– اكتبولها حاسبات ومعلومات فى الأول ..

– لا لا لا .. لسه فيه أماكن فى هندسة المطرية .. اكتبوا هندسة وبعد كدا حاسبات ..

– لا خليها فى حاسبات أحسن من هندسة وكدا كدا هندسة مش هاتيجى ..

– طيب هانرتب المحافظات ازاى !

– اكتبوا اللى فى القاهرة الأول وبعد كدا المحافظات القريبة بس .. ماتكتبوش أى محافظة بعيد ..

كانت أسرتى تتجاذب أطراف الحديث وكأن الأمر لا يعنينى، ولكن بعد الجملة الأخيرة التى أطلقتها أمى الغالية والتى يتوقف عليها الكثير كان يجب أن أتدخل :

– بسسسسسسسسسسسس .. ثوانى بقى ، احنا هانكتب هندسة المطرية وحلوان وبعدهم فنون جميلة وبعد كدا حاسبات ومعلومات

– فنون جميلة مش فاضل أماكن غير فى الأقصر والمنيا .. انتى عايزة تسافرى الأقصر ولا المنيا !!

مفيش الكلام ده .. احنا هانكتب المحافظات القريبة بس

كانت ليلة طويلة على أسرتنا، تقاذفتنا فيها الكليات والمحافظات وأقاليم الجمهورية كلها لنستقر على ترتيب يرضى جميع الأطراف بعد انقضاء الحلم الأكبر بكلية الهندسة بمجموع 91.5 % وتأجيل التقديم للمرحلة الثانية بالتنسيق ..

***

و كانت المفاجأة التى حملها لنا جميعا جواب الترشيح ..

– تجارة القاهرة !! يعنى هندسة وكنا عارفين انها مش جاية، لكن ولا حاسبات ومعلومات ولا فنون جميلة أقاليم !!

– تجارة القاهرة !! احنا كنا كاتبينها الرغبة رقم كام ؟

– تجارة القاهرة !!

– تجارة القاهرة !!

هكذا كان اسم الكلية كافيا لرسم علامتى التعجب على وجه كل مستمع، أسمعكم تتساءلون لم التعجب !! و يوشك البعض على الصراخ فى وجهى ” مالهااااااااااااااا تجارة القاهرة .. ما دخلناها واتخرجنا منها وزى الفل أهو ” ..

يا أصدقائى الأزمة ليست فى تجارة القاهرة .. الأزمة فىّ أنا ، من أنا ؟

أنا ” نور ” .. الطالبة المجدة المجتهدة على مدى سنوات عمرى الدراسية وفى قول آخر ” الدحيحة ” كما أشيع عنى بعد ذلك فى الكلية، الأولى على دفعتى حتى الصف الخامس الابتدائى ، تأرجحت بين الثانية والثالثة فى الإعدادى وكانت تلك هى النتيجة فى الثانوية العامة .. وكأننى المثال الحى على أن التفوق الدراسى يتناسب عكسيا مع التقدم فى المراحل الدراسية .. أما عن السبب فأنا فى غنى عن ذكره ، أنتم تعرفونه جيدا .

بعد معاناة فى ” علمى رياضة “- وما أدراك ما “علمى رياضة ” – لسنتين متتاليتين من أجل اللحاق بركب الهندسة انتهى بىّ الحال فى ” تجارة القاهرة ” .. الرغبة رقم 12 التى لم تكن فى الحسبان مطلقا ..

أيقظنا من تلك اللحظات رنين الهاتف ..

– ألو ..

– ايوه يا ” نور ” .. عملتى ايه فى نتيجة التنسيق ؟

كانت ” رانيا ” رفيقة مراحل الدراسة والدروس والمجموع أيضا .. أجبتها وأنا أرسم فى خيالى علامتى التعجب على وجهها :

– تجارة القاهرة

وقد كان وأطلتا علىّ عبر صوتها النافذ :

– تجارة القاهرة !! ليه كدا ؟ أنا جاتلى فنون تطبيقية .. طيب ما تحولى فنون تطبيقية

– فنون تطبيقية ايه ؟ ماهى خلصت فى المرحلة الأولى

– فنون تطبيقية – دمياط

– فنون تطبيقية دمياط !! أنا أول مرة أسمع عنها أصلا .. ولا شوفتها حتى فى ورق الترشيح

– باقولك هى اللى جاتلى فى جواب الترشيح

تركت سماعة الهاتف ليبرق الأمل فى ذهنى من جديد .. وكان آخر ما قلته

– دمياط دمياط .. بس تجارة لاااااااااااااا

 

 

24 تعليقات
  1. Mohamed Saad يقول

    هههههههه يعنى كنا جيران على كدة 😀
    بدايه موفقه ان شاء الله

    1. منار وجدي يقول

      وراك وراك .. وبقينا جيران هنا كمان فى الموقع .. ربنا يوفقك دايما انت كمان 😀

  2. آلاء عبد الرحمن يقول

    جميلة يامنار فى إنتظار باقى الحلقات إن شاء الله
    بالتوفيق 🙂

    1. منار وجدي يقول

      تسلمى يا لولو .. <3 :*

  3. محمود أحمد محب يقول

    بداية رائعة تمس كل شخص فى مصر وما أدراك ما مكتب التنسيق واللى بيعمله فى الطلبة ، بالتوفيق إن شاء الله ، وفى انتظار باقى الحلقات

    1. منار وجدي يقول

      هى قصة شعب بحاله فعلا .. وانا مستنية رأيك فى باقى الحلقات 🙂

  4. انجى العيسوى يقول

    جميله يا منار ♥ ان شاء الله من نجاح لنجاح ربنا يوفقك ♥ كانك بتحكى قصتى بالظبط مستنية الباقى

    1. منار وجدي يقول

      لسه هاتلاقى نفسك فى كلام كتير جاى .. تسلمى يا انجى يا رب 🙂
      ان شاء الله تعجبك باقى الحلقات <3

  5. احمد خليفه يقول

    جميله بالتوفيق ان شاء الله

    1. منار وجدي يقول

      أشكرك جدا .. 🙂

  6. ossama ahmed يقول

    متنسيناش فى الذكريات يا منار بأى حاجة .ربنا معاكى و يوفقك

    1. منار وجدي يقول

      انت فى الذكريات موجود اكيد .. تسلم يا رب 🙂

  7. كريم محمد يقول

    بداية رائعة … بالتوفيق بإذن الله

    1. منار وجدي يقول

      أشكرك جدا .. 🙂

  8. أحمد سعيد بخيت يقول

    حلو يا منار اوي 🙂
    متابع معاكي

    1. منار وجدي يقول

      يا رب اللى جاى كمان يعجبك ويعجبك 🙂

  9. […] ذكريات دمياطية جداً – الحلقة الأولى – لـ منار وجدي الحلقة الثانية ذكريات دمياطية ذكريات دمياطية جدا منار وجدي شارك هذا الموضوع تويتر فيسبوك جوجل بلس بنترست لينكدن تمبلر البريد […]

  10. شريف ربيع يقول

    جميلة وواقعية – ذكريات منار الشخصية

    1. منار وجدي يقول

      رأيك .. سعادة 🙂

  11. hesham يقول

    Awesome start don’t stop.
    Wish for bigger episodes

    1. منار وجدي يقول

      Thank u 🙂

  12. […] ذكريات دمياطية جداً – الحلقة الأولى – لـ منار وجدي ذكريات دمياطية جداً – الحلقة الثانية – لـ منار وجدي الحلقة الثالثة ذكريات دمياطية جداً منار وجدي شارك هذا الموضوع تويتر فيسبوك جوجل بلس بنترست لينكدن تمبلر البريد […]

  13. […] ذكريات دمياطية جداً – الحلقة الأولى – لـ منار وجدي ذكريات دمياطية جداً – الحلقة الثانية – لـ منار وجدي ذكريات دمياطية جداً – الحلقة الثالثة – لـ منار وجدي الحلقة الرابعة ذكريات دمياطية ذكريات دمياطية جدا منار وجدي شارك هذا الموضوع تويتر فيسبوك جوجل بلس بنترست لينكدن تمبلر البريد […]

  14. سارة عنتر يقول

    حلوة يامنار وبما اني شفت جزء من الي انتي شفتيه ما شفتش بقيت الحلقات ياريت تنزليها يامنارة دائمة لنا وللكل 😀

اترك ردك

لن يتم نشر بريدك الإلكتروني .