قالوا عن مصر ـ شعر ـ بيتر ماهر

1 390

قالوا عن مصر
وانا لسه مقولتش
مصر الربيع مصر الخريف
حبه العرق ولقمة الشريف
مصر الشتا مصر الصيف
يا مرحب بالأخ وكل ضيف
الناصيه والشارع والسكه
الفلوس الصاحيه والفكه
الصفاره والسرينه والزماره
الدكه والباشا الكبره
الدفنه والقبر والنعش
الفراعنه والاثار والنقش
مصر القمح مصر القصب
مصر العمود مصر العصب
الجد واللعب والهزار
صنيه الحنه ودقه الزار
الصبر والحيل الشديد
سينا بحرى الصعيد
العلم والدوس على المفاتيح
المحذور والخط والمتاريس
نتعرف ولو فى قطر
القلم والكشكول والسطر
السجاير والسبارس والسيجار
الفول واللحمه والكفيار
زحمه العيال والزيطه

الزينه وفوينكات بشريطه
الجلبيه والعباية والبدله
الطرق العوجه والعدله

مصر التعالب واللئام

القيد السلاسل واللجام

قالوا عن مصر
وانا لسه مقولتش

 

تعليق واحد
  1. رواء أحمد عبد العال يقول

    جميل استاذ بيتر ، مصر وحشتنا قوى اللى هى زى ما فى شعر حضرتك .

اترك ردك

لن يتم نشر بريدك الإلكتروني .