على الجسر – شعر- بقلم شيماء عزت

0

على الجسر
شيماء عزت
جبال التمني بتفصل ما بينا
أخاف إني أصدق حنان من عنيك
أخاف إني أصدق وجودك معايا
أقرب وأضمك أضم الهوا
أفتح عيوني.. ألاقي الفضا
بيزرع في قلبي شعور ليلُه وحشه
هاتفرق في ايه ؟
قريت حتى اسمي في دفاتر حياتك
بتلمح عيوني
في أوتار قانون
بيعزف سكوتك مقام للهوى
ومهما تصمم تهد ف مقامي
ينبّت في قلبك
وامتى فؤادي..
يآمن لسكة بيمشيها وحده ؟
يلاقي على الجسر إيد من دفا

اترك رد

لن يتم نشر عنوان بريدك الإلكتروني.