هابي نيو ير ولا تعيد النظر في الماضي – خاطرة – الزهراء عبد العليم

0

هابي نيو ير ولا تعيد النظر في الماضي .

حاجات وحاجات بتقول بكرا حلو وحلو جدا / حاجات وحاجات قالت خلاص شمس بكرا هتيجي هتيجي ●

النور هيملي الشقوق ال من البرد دابت ودفا يقول اضحكوا من جديد ●

داب الألم والأحزان وبالوقت يختفي أثرها ، ينكتب من جديد ع الهوا وع الورق وع الحيطان وحتي علي جدران الشوارع ( إحنا هنا ) ●

لسه صوت ولسه روح ولسه قلب بنبض عايز أحب الحياة من تاني ●

من تاني تيحي روح ويموت كل ألم وإن إتألمت تاني فمن الماضي بقيت قدها ●

كل كان يكون غيره وكل مات يتولد بداله وكل قال وسكت هيعيد القول تاني ●

ال فاتك ساب مكان فاضي / لأجل يتملي بشئ يليق بيه ●

شوية العلامات ال باقية من حوادث ال عدي تشكل ملامح جديدة تليق بال قدام عينك باصص عليه / ركز النظر ودقق الفكر وعيد الحسابات ●

لا حد يندم ولا حد يبكي ولا حد يكسب من إختياراتك ونقواتك للأشياء غيرك ●

الفخر لل حقق وال دقق وال كان ليه حظ وال حارب الحظ وال ما إنتحرش والفخر كمان ال إنطحن وشكل نفسه من جديد ●

ال خلص خلص / تواريخ حلوة وتواريخ صعبة أيام تموت وأيام تعيش وناس باقية وناس مشيت مين ال لسه فاضل / ال فاضل كتير والأهم فيهم إنت أهو ●

عايشين ليه عايشين فين عايشين لمين ؟ مش بالسنين ●

السنين بالأهداف ال اتحققت وحتي ال ماتت ولسه بنحارب وبنحاول نحيها تاني / السنين بالناس ال ماسكين ومقدرين / السنين بالرضا وبالصبر وبالحب وبكلمة يارب ●

ال عايز يبدأ زي مابيقلوا صحابنا ال الله اعلم هما مين بس كانوا عارفين – قالوا يبدأ علي نضيف يعني تهدي ويعني تنسي ويعني تطلب العفو والغفران و تتخذ قرارك الأخير // إنت مين وعايز إيه وجاي هنا الدنيا ليه ●

سنة سعيدة ولا تعيد النظر في الماضي .

اترك رد

لن يتم نشر عنوان بريدك الإلكتروني.