سابع سما – شعر – لـ سوسن الشحات

0 274
ي القمر قال يا قمر لما شافك
يسلم حسنك ودلالك
ي اللى دفى الشمس ب لحافك
تلومى ليه خجل الورد لجمالك
بيتمايل على كفك حبك ولا خافك
وتلومى ليه على قلب الصبى
لما بقى
قلبك اليه مبتغى
وقبلته والمنتهى
ف صلى ف محرابك وبقى
ناسك
والخمره حلال من همسك
ومن كاسك
ف اعرجى بيه لسابع سما
لاحساسك
بس واعى تحرقيه
استنى هنا
ه استنى انا
لو اصعد كمان اتحرق
هناك كل الحروف بتهرب
او تسرق
ف وعاك تقرب
قام شرق
ه انزل اولع شمعه ف قداسك
يمكن اللى ولعته انطفى
واخد بركه من ربانك
وصلى من تانى ف محرابك
واكون درويش ف احساسك
واسقى الحيرانين
بكاسك يمكن
يتشفو
وادور ف احساسك
فيمكن ارتوى
واهرب بعيد من النور وانزوى
يمكن اصعد بروحى للسما
ف ارتقى وما اتحرق
وممكن كمان اتكوى
فيكى كل الممكن والغير ممكن اتجمعوا
فروحك
براح
وروحك سانده للعمود
وكل العشاق متجمعين يسمعو
ويسمعو
ازاى بالمشاعر يصنعو
كل المعجزات
ف روحك فضا
والعطشانين للرضا
متجمعين يصلو للهدى
وانا لسه بولع شمعه ف قداسك
واصلى ف محرابك
واروى الورد ف بابك
يمكن يكونو حراسك
فيتوسطولى ف جلالك
انى اصلى ف جمالك
يمكن انول الوصال
وانول اللى ليهم كان محال
مل قلبى من الترحال
ف التقى فيكى قبلتى
واترحم من غربتى
تسمحى تكونى سكتى
طلب كمان
بعد اذن الجمال
والبدر ليلة اكتمال
سببنى ارتل احساسك صلاه
واكتبه حياه
واكتبه دليل لل تاه
سبينى اسكر ف الجمال
سكرك حلال
سبينى اتوه ف البراح
براحك امان
براحك حياه
براح رغم الوساع لقيت فيه قلبى اللى ضاع

اترك ردك

لن يتم نشر بريدك الإلكتروني .