مقالات وتدوينات

عشرون سبب للكتابة الناجحة – مقال – لـ محمد سليم

عشــــرون ســــــــــببا .. للكتابة الناجحة !!

▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄

– أكتب لنفسك .. أكتب لأنك بتحب تكتب .. مش لأنك عايز غيرك يعرف إنك كاتب.

– عدم التحيز شئ مضحك .. مفيش كاتب علي سطح البسيطة محايد .

– أسال نفسك دايما : انا عايز أنفع و لا أستنفع ؟ .

– إختار دايما الاتجاه الاصعب .. حيث النتائج الساحرة.

– اي حد يعرف يكتب رأيه .. او حتي يقلد رأي غيره .. يغير رأي عجبه و يكتبه بأسلوبه .. لكن مش أي حد يقدر يجبلك معلومة جيدة .. لأنها محتاجة مجهود و وقت .. فبلاش تكون كاتب رأي .

– الكاتب المحترف بيقضي عمره كله بيقرا علي تلات محاور .. قراية كتب و كون و بشر .

– خليك متأكد أنك لا يمكن توصل لوحدك .. إذا الفريق قبل الطريق .. مع مراعاة التنويع طبعا .

– متخليش اي مسودة لأي كتاب تتجاوز الثلات شهور حتي و لو من الحجم الكبير.

– أي مشروع بتكتبه طبق عليه اقسي شروط الاحترافية و حاتشوف الفرق.

– الناس مش حتقرا لأسبابك أنت .. إنما حتقرا لأسبابها هي .

– لو لاقيت نفسك مش قادر تخلق نص تعبر بيه عن اللي جواك .. و طول الوقت يا بتقلد غيرك .. يا بتنسخ من افكار قريتها مسبقا .. يبقي انت لسة محتاج تدريب طويل .

– سرين للنجاح مفيش غيرهم .. الصحة و الزواج .. و الزواج علي نوعين يا تتجوز العلم .. يا تتجوز انسانة صالحة بتقدر العلم .

– عايز تعرف حقيقة نجاح اي كاتب اذا كانت عن جدارة و لا عن غيرجدارة .. خلي دايما حد يبعتلك نصوص عشوائية تحاول من خلالها تعرف مين الكاتب .. صدقني حاتتصدم في اسماء كتير .

– وظيفة الكاتب انه يبذل مجهود في انه يكشفلك غير المكشوف و يظهرلك غير الظاهر لاتساع هوة التحليل بين الكاتب و القارئ .. مش انه يبقي شاطر في اختيار مجلد شكله حلو و نوعية ورق لطيفة و اتفاق مع ناشر يوصلك الكتاب للمكتبة بسعر علي قد ايدك .

– لو ليك اي حاجة مطبوعة .. سيبها و إرجع اقراها بعد شهرين .. و شوف حاتقرر ايه .

– الكتابة مش انك تعمل فلوس .. او تاخد وضع .. او تعمل صدقات عابرة .. او تبقي مشهور .. او حتي يبقي جدول مواعيدك مليان مقابلات .. إنما الكتابة هي نية حقيقية لمساعدة الغير .. و لو مش مصدق التاريخ مليان عبر لمن يعتبر .

– تعلمت بأن مؤشر الكتابة الجيدة ليس بعدد القراء و إنما بنوعية القارئ

– تعلمت بأن الكتابة الجيدة ليست بعدد الكتب التي نشرتها .. و إنما هي بالحالة التي رصدتها ..و بالقيمة التي في النفوس تركتها

-تعلمت بأن الكتابة هي بجودة العرض لا بقوة الأستعراض

و اخيرا اتمنى للجميع مستقبل أفضل .. و كتابة أرقي .
الوسوم

مقالات ذات صلة

رأي واحد على “عشرون سبب للكتابة الناجحة – مقال – لـ محمد سليم”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق