عالم تعشقه الأقلام

حبيبي يارسول الله – شعر – مريم مجدي صالح

4 185

صباح الخير فـ اول صباح من سنه جديده عُمر جديد حياة جديده رحلت 2015 ورحل معها كل ما هو صعب فـ حبينا نبدأ معاكم السنه الجديدة بـ شئ مُختلف عن المنتظر 2016 مع مجتمع حروف هنبدأ من جديد هنفرح كلنا اكيد للشباب إبداع من نوع مميز وللقلم سحر

حبيبي يا رسول الله

مش عارفة ابدأ منين !

بذكرك أنا بنسي الأه

يا جد الحسن و الحسين

الموجوع .. يبات الليل ع بابك

الوجع ينساه ،،

المحروم .. يتحامي ف جلبابك

الشهد يلقاه ،،

كان نفسي أكون وياك

كان نفسي أكون طيفك

أو حتي أكون شيفاك

و أعيش أنا ف خيرك ،،

ببعتلك سلامي كتير

ترد السلام بالحب

أنسي الحزن و سنينه ..

يا ساكن جوة ” روح القلب “

بصرخ و أقول ‘ فينه ‘ !

كل يوم و ‘ كالعادة ‘

بصلي عليه و ‘ بزيادة ‘

و يوصل للنبي ‘ كلامي ‘

ملايكة توصله ‘ سلامي ‘

بأسمي جنابه ‘ يعرفني ‘

و ده دايما ‘ يشرفني ‘

و قبل ما أحس أني “كريم”

بكرم وجوده “يكسفني”

صلاة واحدة و من ‘قلبي’

و عشرة قصادها من ( ربي )

و لو صليت و أنا “مخبي”

ف يا ساكتين “سكوتكم ليه” !!

و هيفيدكوا السكوت ده “ب أيه” ؟

هصلي عالحبيب ..!!

و أنتوا ورايا بسرعة ..

صلوا عليه ..

#مريم_مجدي_ ^^

#حبيبي_يارسول_الله

  1. Mohamed Saad يقول

    بداية موفقه معانا ان شاء الله وبداية رائعه للسنه الجديدة

  2. حسناء الزغيبي يقول

    دمتِ مبدعه يامريم ودام نبض قلمِك
    بدايه مُبشره بالتوفيق دائماً

  3. اسماء يقول

    حبيبى يا رسول الله

  4. مجتمع حروف يقول

    نتمنى ان تكون بداية موفقه ان شاء الله

اترك ردك

لن يتم نشر بريدك الإلكتروني .