عالم تعشقه الأقلام

المودة والرحمة والسكن – مقالة – لـ دعاء حسن

3 70

المودة والرحمة والسكن ( ١ )

يمكنك متابعة المقالة الثانية من هنا : المودة والرحمة والسكن (٢)  – مقالة – لـ دعاء حسن
————–
انتشر الطلاق بطريقة كبيرة جدااا، قرأت احصائية ان كل اربع دقائق تحدث حالة طلاق ،
وفى المقابل كل دقيقة تحدث حالة ولادة ان ما وصلناش لاكثر من مولود كل دقيقة !!!
والنتيجة ، ان اللى بيتأثر بالطلاق مش طرفين فقط زوج وزوجة !
بل اولاد بيتأثروا وبيتربوا فى بيئة غير سوية ونفسية معقدة بدون اى ذنب !
والنتيجة مجتمع كامل غير سوى ومعقد بطريقة او باخرى !؟
ولو رجعنا لمعرفة الاسباب هيكون السبب الاساسى والرئيسى هو الاختيار !؟
اختيار خاطئ بيدمر الاثنين بعد فترة قصيرة وبيدمر اولادهم بعد ذلك وبيأثر على المجتمع كله !؟!
فاى بيت اساسه سليم لازم يكون مبنى وقائم على حسن الاختيار ،
المودة والرحمة والسكن اساس كل بيت مستقر هادئ متزن سوى .
واى طفل سوى متزن متربى تربية سليمة اساسه من البيت ،
اساسه من الام والاب ،
استحالة هتربى ابنك او بنتك على الصدق وهينشأوا كاذبين ،
استحالة هتربى ابنك او بنتك على الاحترام والمبادئ والتدين الوسطى السليم الصحيح وهينشأوا عكس ذلك ،
استحالة هتربى ابنك او بنتك على تعاليم الدين الصحيحة السمحة اى دين ينتمون اليه ويعتنقونه ، وهينشأوا عكس ذلك ،
كيف نربى تربية سليمة وننشأ نشئ صالح :
——————————-
اولا : الاختيار
————–
الزواج سهل جدااا … لكن الصعب هو الاختيااار !؟
بالنسبة للبنت والشاب وانتم بتختاروا بعض اختاروا وشوفوا التفاصيل !!
الحياة مش هتكون كلها بوكيهات ورد وشيكولاتة ودباديب وخروج وفسح !؟
الحياة هتكون فيها تفاصيل كتير اوى ،، وتناقضات كتير اوى ،، وتحولات كتير اوى !
اولا: الرجل
————-
وانت بتختارزوجة اختار زوجة صالحة وام صالحة لاولادك ،
اختار من تصونك وتحفظك فى غيابك مثل وجودك ،
اختار من تحفظ عرضك وشرفك ،
اختار المتدينة باطنا قبل ان تكون ظاهرا ،
اختار من تتقى وتخشى الله قبل البشر .
اختار من تخاف الله مش الناس ،
اختار من تأخذ بيدك لرضا الله وحب الخير ،
اختار بيت سليم سوى ، اختاربنت والدتها بتحترم والدها وتقدره مش بتهينه وبتقل من قدره ،
لان البنت هتكون صورة من امها ( الا القليل ولكل قاعدة شواذ )
——————————————–
ازاى اختار بنت متدينه باطنا قبل ان تكون ظاهرا
——————————-
من خلال الزيارة لبيتها بحضور اهلها هتقدر تعرف تدينها من كلامها وعبارتها ونظرة عينها .
ولو كانت زميلتك فى العمل ولم تخطو خطوة التقدم لها بعد !
هتقدر تعرف من خلال تعاملها وكلامها مع زملاءكم !
من خلال نظرتها وصوتها وحركاتها !؟
————————–
اختار زوجة تكون اضافة لعيلتك واهلك ،
اختار زوجة تزود بيها اهلك واسرتك الكبيرة ، مش تأخذك بعيدا وتجعلك وحيدا مقطوعا قاطع رحمك من اهلك وتضمك لاهلها !!
اختار من تجعلك تصل رحمة وانت تجعلها تصل رحمها ،
اما لو احد منكم جعل الاخر قاطع لرحمه ، اعرف انها لا تحبك وبتكرهك بشدة !!! وتحب ان تجعل النار مثواك فى الاخرة !؟
———————–
وانت بتختار زوجتك المستقبلية ، اختار ام لاولادك . وسند ليك . وعون ليك ولاسرتك التى ستكونها فيما بعد .
وانت بتختار زوجتك المستقبلية ، اختار فرد هيزود عائلتك الكبيرة واحد وباذن الله اكثر بعد انجابك لاولادك، مش هيقلها اتنين واكتر بعد انجابك لاولادك !
وانت بتختار زوجتك المستقبلية اختار من تعينك على صلة رحمك وتقوى صلتك بارحامك مش تكون سبب لانقطاعك لرحمك وانضمامك لرحمها !
اختار الزوجة القنوعة مش الطماعة ،
اختار زوجة لها راى وشخصية ،
اختارالمتواضعة والتى لا تنبهر بالمظاهر الخادعة !
اختار من تعيش معك على السراء والضراء ،
اختار من تعيش معك فى العسر واليسر ،
——————————-
ثانيا : البنت
———–
اختارى الزوج التقى ،الرجل الذى يتقى الله فى كل شئ فى حياته ،هيكون امين عليكى وهيتقى الله فيكى سواء وانتم متفقين او مختلفين ،
اختارى الزوج اللى هيكون امان ليكى ،
اختارى الزوج اللى هيقدر يحتويكى ،
اختارى المتدين باطنا قبل ان يكون ظاهرا ،
اختارى من يصونك ويحفظك ويضعك تاجا على رأسك ،
اختارى من يحترم عائلته ، ويحترم الكبير ،
اختارى صاحب الخلق العالى ،
اختارى زوجا وابا لاولادك فى المستقبل باذن الله ،
اختارى من يحن اليكى وانتى فى مرضك مثل صحتك ،
اختارى من يراكى جميلة ومتقبلك فى جميع حالاتك ،
اختارى من يعشق رائحتك وشكلك وانتى فى اجمل شكل وانتى واضعة افخم العطور ،
ومتقبلك ايضا وانتى فى مطبخك بتغسلى وتطهى الطعام وريحتك بصل وتوم !؟
اختارى الذى يراعيكى عند مرضك ،، ويقويكى فى اوقات انكسارك ،
اختارى رجل تتسندى اليه وتعتمدى عليه ويكون سندك وظهرك ،
ازاى اختار الرجل الصح :
————-
من كلامك معاه هتقدرى تعرفى اذا كان كاذب ام صادق ،
اذا كان بيقول ما يفعل ويفعل ما يقول ام لا ،
اذا كان حنون وطيب على والدته ووالده واخوته ام لا ،
بيخلف وعده ام لا ،
( ملحوظة ، كل انسان بيكون واضح عليه علامات بتوضح عيوبه و اصله وبتوضح اسلوبه كويس جداااا ،، بس فى الغالب البعض بيتجاهلها عمداااا !!
البعض بيتغاضى عن اشياء حتى يتم الزواج ! وفى النهاية الاختيار الغلط غير السوى هو اللى بيدمر البيوت والاولاد وبيحدث الطلاق فى اسرع وقت !!!!

  1. […] المودة والرحمة والسكن – مقالة – لـ دعاء حسن […]

اترك ردك

لن يتم نشر بريدك الإلكتروني .