عالم تعشقه الأقلام

عيوب × عيوب – شعر بالعامية – لـ رقية عبد العزيز

3 433

عيوب × عيوب

أنا زي البشر بغلط

ساعات بكدب عشان خايف

ساعات بتغابى واستعبط

وبعمل نفسي مش شايف

وممكن اجيب في سيرة حد

لكن علشان ظلمني زمان

وبتعصب كتير في الرد

وامشي رأيي ايا كان

وكلي كمان عيوب فعيوب

مفيش ولا حاجة تشفعلي

وحتى سجلي كله ذنوب

لكن دي حاجة ترجعلي

الحاجة الوحيدة الي

متعملتش في حياتي

اني اخدع حد آمنلي

او اذي واخون كده عادي

ضميري مغابش يوم عني

معايا فكل خطواتي

وبستغرب اوي الخاينين

ومش بيحسو حتى بذنب

بيجيبو الجحود دا منين

ولا مفيش أساسا قلب

  1. محمد سعد يقول

    كلمات راقية جدا وعجبتنى اوى وانا شغال على الفيديو

اترك ردك

لن يتم نشر بريدك الإلكتروني .