لقاء مع الكاتبة سماح أبو العلا

0 457

في البداية نحب نرحب بكاتبتنا الجميلة سمراء الدلتا سماح أبوالعلا .
مساء الياسمين اشكركم كثيرا

ياتري لسه محتفظة بأول إرهاصاتك الأدبية ولا ؟ وكانت أمتى ؟ ممكن تكلمينا أكتر عنها ؟
كانت نصوص ادبية وكنت ف الصف الاولى الاعدادى وطبعا راحت ف اعاصير النقل من بيت ابى لبيت الزوجية

أوقات بنشوف سماح أبوالعلا بتكتب بالفصحى وأوقات بتكتب بالعامية . ازاى بتقدرى تدمجى بين الطرقتين ؟ وهل ده نقطة ضعف للكاتب ولا قوة ؟
منتهى قوة الكاتب يقدر يعبر بالفصحى والعامية وانه يجيدهم
لما بكتب مش بقول لازم اكتب عامية او فصحى هى بتيجى كده كما هى تأتى تكتب

( لذة مؤلمة ، إرتعاشة كاذبة ،فياجرا الوجع ) ثلاث أعمال ليكي بالإضافة لبعض الكتب الجماعية .أيهم أقرب ليكي وياريت تكلمينا أكتر عنهم ؟
ترتيهم كده حسب النشر لكن لو حسب الكتابة تبقى فياجرا الوجع لذة مؤلمة وارتعاشة كاذبة
اقربهم فياجرا وارتعاشة
رواية فياجرا الوجع عن مشاكل البنات من ختان وعنوسة وتحرش خارج المنزل – حب الانترنت – معاملة الاسرة ومحاباة طفل عن اخر- الوسط الادبى وحفلات التوقيع والقضية الكبر هى التحرش داخل المنزل
اما عن مجموعاتى القصصية –الحب – الساخر – الخيانة- الطلاق – الاخطاء الطبية تنوعت مجموعتى القصصية ارتعاشة كاذبة واقرب القصص لقلبى فيها قصة غرفة اعدام لانها تشبة احداث حقيقة ف حياتى

 أغلب كتاباتك بتدور حوالين المرأة ووجعها . هل نقدر نصنفك ككاتبة نسائية ؟ ام انك ضد التصنيف ؟
لا احب التنصنيف لكنى خلونى اوضح ومن يقدر يعبر عن المراة ومشاعرها وقضاياها غيرها والمراة هى المجتمع ككل

فى تاريخ سماح أبوالعلا كثير من اللقاءات التلفزيونية والعديد من التكريمات . أكيد واحد فيهم جالك في فترة صعبة عشان يكون بمثابة رسالة إطمئنان . ممكن تقوليلنا عليه ؟ وأكتر تكريم تعتزي بيه كان أمتى وليه ؟
ده صحيح جالى تكريم كشاعرة وكنت فقدت وليدى وبعدها بشهر تقريبا جائنى لقاء قناة الحياة وكنت فقدت ابنى وبمر بنزيف لمدة 3 اشهر ، وهو نفس البرنامج اللى بعتز بيه جدا لذكاء الاعلامية ايمان عز الدين هو الان ممر سنة تقريبا

هل بدايتك الصحفية واللي استمرت 14 سنة ساعدتك فى الناحية الأدبية ؟
طبعا ساعدتنى كثيرا سواء ف اللغة او الاحتكاك بالمجتمع
وعرضتنى لقضايا كثيرة جدا

فى بدايتك أتجهتى للكتب الجماعية ، أحكيلنا عن تجربتك ومدي استفادتك بيها ؟ وهل نقدر نعتبر الكتب الجماعية سلمه أولي للكاتب ؟ وليه الكتب الجماعية بصراحة مش بتحقق نجاحات ؟
الكتب الجماعية لاتحقق نجاح للكاتب لكنها سلمة اولى لتعرف ع الكاتب داخل الوسط  والالتفات له كنظرة اولى
ليه مش بتحقق نجاح لان كل هم من ينتج الكتب الجماعية الماديات وعدم اختيار المحتوى بدقة

ياريت تكلمينا أكتر عن تجربة فريق وناس . مين كان صاحب الفكرة ؟ وجات منين ؟
فكرة  فريق وناس تراودنى منذ سنوات واجلتها كتير تحتاج الى جهد وعلاقات وماديات ، كانت فكرتى ونجحت بالتيم كلة
انا اعشق التمثيل كثيرا ، واكتب الشعر فلما لايكون هناك فريق ، وكنا اول فريق يقدم اغانى من انتاجة الخاص قدمنا اغنيتين من جهودنا  ولكن عثرات الماديات اوقفتنا

( ثم غاب ثم عاد ثم بكى طالب الرجوع ثم حن قلبى ومال عليه ثم قال عندى ثقة فيك ) هل نقدر نقول دى دعوة منك بإن اللى بيحب بيغفر ويسامح ؟
الخطأ اللى لايمس كرامتك او يدمى قلبك تسامحين علية فقط
الخيانة لاتغفتر ولامجال لتتهاون او التسامح فيها

هل فى مصر المرأة أدبيا أخدت حقها ؟ ولا لسه ؟
المراة مفطورة ع التضحية فتضحى بحضور امسية ادبية لدراسة ابنائها مثلا  اما الكاتب الزوج فمتاح له الحضور اى مكان واى زمان . فهنوصل لمعلومة مهمة مش هاتقدر تاخد حقها ابدا مهما كانت مبدعة لانها اولوياتها اسرتها وبيتها

جواز الكاتب من كاتبة . مع ام ضد ؟ وممكن تحكيلنا عن طقوسكم الأدبية في البيت ؟ وهل طقوسكو في البيت متشابهة ؟ وممكن يجيلكو الإلهام في وقت واحد ؟ وهل نعتبركم نقاد لبعض ؟
مقدرش اقول مع او ضد انه الحب يأتى كإعصار فياخذ منك العقل والقلب
زواجى من الشاعر هانى آدم جاء ف قصة حب جميلة واستمرت خطوبة وزواج ثلاثة شهور فقط تم كل شىء
ملناش طقوس نهائى ممكن اكتب جملة فؤجىء به  يكتب قصيدة كرد عليها فى نفس توقيت قراءة القارىء لها،متاح لى وقت طويل ف المنزل للقراءة والكتابة ع عكس هانى اليوم كلة شغل الا انه يخطف دقائق حين يأتيه الالهام ليكتب ،
ع فكرة احنا نقاد لبعض بصرامة  غير معقولة ، ولو عجبنا شىء لبعض فنحن داعمين لبعض جدا

بنسبة كام في المية نقدر نقول التنشئة الإجتماعية بتأثر على لون الكاتب وتخلية يتبني إتجاة معين ؟
بنسبةمتوسطة

مبروك نزول الطبعة الثانية من فياجرا الوجع . ايه اللي يخلي كتاب ينجح اكتر من التانى رغم انهم لنفس الكاتب ؟
يبارك ربى ف روحكم وقلوبكم
خلينى اوضح شىء ان فياجرا تمت طباعتها ف دارين نشر  يعنى الكتب بتتظلم ف دعاية دار النشر فهناك دار نشر تطبع وتهمل التوزيع مثلا وهناك دار نشر همها التوزيع خارج وليس داخل اذن المشكلة ف دار النشر وليس المقياس كتاب ينجح ع اخر

كتير من قرائك ميعرفوش انك مسؤل الفاعليات بالتجمع المصرى للمبدعين الشباب . ممكن تقوليلنا دور الفاعليات في خدمة المواهب الشابة فى ارض الواقع ؟ وايه رائيك حاليا في الكتاب الشباب علي الساحة الأدبية ؟
فعلا محدش يعرف كتير مع ان ف التجمع عاملين انشطة جميلة حفلات توقيع وتبنى مواهب وحفلات ف كل مكان ومؤتمرات
بلاش نقول شباب وعجائز الكتابة هى الكتابة
بس خلينى اقولك بقى فيه استسهال غريب من البعض للصعود ع اكتاف اى كلمتين وبقت رواية وشكرا تكرار غريب ،والجملة المكررة اننا شباب ونستحدث طريقة جديدة للكتابة

ايهم اقرب ليكى كتابة الشعر ام القصة القصيرة ؟
سماح أبو العلا وكفى حين امسك قلمى اكتب فقط

بنسبة كام في المية سمراء الدلتا حققت أحلامها ؟ وعايزين نطمن جمهورك بصفة عامة وجمهور مجتمع حروف بصفة خاصة عن خططك المستقبلية .
لكم ان تتخيلوا لميكن لى الا حلم واحد فقط وهو الامومة فقط
بس خلينى اقولك انا بكتب مجموعة قصصية ورواية وبقالهم سنة لظروف ما بطيئة جدا ف الكتابة
وفيه تحت الطبع كتاب نصوص نثرية منتظر دار نشر بدون ان تطالب بماديات

ما رايك فى دور النشر …………؟
شوفى من حكايات صديقات واصدقائى ف الوسط وتعاملى هاقولك ،مفيش حد فيهم شغال بنسبة 60% صح
يمضيكى ع عقدك وبخ مثلا يطبع ويحط كتابك ف المخزن وشكرا ، يطبع ويوزع خارجيا
يطبع ويكتبلك قائمة بالمكتبات ولو سالتى متلاقيش كتابك موجود فيهم ..

أخيرا وليس أخرا ، عايزين نشكر حضرتك علي اللقاء الجميل . وياريت كلمة من حضرتك لمجتمع حروف .
اشكر جميع القائمين ع مجتمع حروف

اترك ردك

لن يتم نشر بريدك الإلكتروني .