كتاب أربع حروف للكاتب محمود صبحي – معرض الكتاب 2017

0 1٬082

عن كتاب اربع حروف :
أربع حروف هو كتاب خواطر شعرية
والخاطرة : هي مزج بين بحور الشعر واوزانه.

مقتطف من كتاب أربع حروف :
باضحك ضحكة مهمومة
وملفوفه بحزن سنين
باضحك ضحكة لو تنطق
تغطي الدنيا ألم وآنين
باضحك ضحكة موجوعه
باضحك ضحكة مسموعه
ضحكة فيها باتمني
لو ارجع تاني جنين

عن الكاتب محمود صبحي :
محمود صبحي من مواليد محافظة الإسكندرية  – حاصل على ليسانس الحقوق جامعه الإسكندرية  – رئيس لجنة الثقافة والإعلام ببرلمان شباب الجامعات المصرية في دورته السادسة – حائز على عدة جوائز في مجال الشعر العامي على مستوى جامعه الاسكندريه والجامعات المصرية

ريفيو من القارئ أحمد محمود المنسي :
الكتاب بدون مجاملة او مبالغه جميل وسواء اللى هايقراه بيحب الشعر او لأ هايلمس فيه حاجة .. وهيلاقى نفسه بعد مايخلصه بيرجع يقرا حاجات تانى فيه
والكتاب دا كتجربة اولى حلو اوى .. الرومانسية اللى فى الكتاب روعه وفى حاجات بتبكى بجد.
ندخل على القصايد اللى علمت معايا وتقييمها 5 كتقييم الجودريد:
( طعم الخدود – اربع حروف – ماحبيتنيش – كلمة  مااتقالتش – عيون الجبل – الرقاصة والاراجوز – قنبلة – انا شمعة – خربشة – جرعه فرحه – نعمة – بورتريه – قلم – علامة تعجب – سرنجة )
الرومانسية اللى فى دول واااااااااو بجد ( طريقة – قلمى اتعود يكتب ليكى – بحور الشعر – عايزانى اكتب شعر – ازاى كدا – بحبك موت – فى كل مكان – اختارى – أزاى باتنفس – انا الضى – كل تفاصيلى – اخر نظرة للدنيا – كلمتين – اهم حاجة )
(مترين فرحه) تستحق تكون ع الغلاف
(متأسفة)  كل البنات كدا للاسف
(توته ياحدوته) كان فى حد كاتبلك فى كومنت انها اوسكار احسن رباعية انا فعلا شايفها اجمد رباعية
(اخر اسبوع)  حصلت معايا بالحرف
دول بقى اى تقييم قليل عليهم ( بالمعلقة – جنين – بطعم الهم – مالقيتنيش – اسف انى ازعجتك – الساحر – شكرا ع القلب اللى اتكسر )

ريفيو من القارئه سارة ذكي :
اول مرة اكتب ريفيو واول مرة اقرا كتاب عدد المرات دى ولسه بقراه تانى وانا باكتب الريفيو دا.
الكتاب بيبدا بحالة رومانسية جميلة اووووى ( بحبك موت – طعم الخدود – الناس فى عينيا انتى – اختارى ) مرورا باشعار تبكيك ( ماحبيتش – توته ياحدوتة – ذكريات – كلمة مااتقالتش – مركون ع الرف ) واشعار تفرحك وتفكرك بذكريات ومواقف كتير سواء مرت عليك او لأ بس هتلاقى نفسك بتعيش الموقف وانت بتقرا القصيدة لحد ماتختم بالقصايد السياسية ( عيون الجبل – الرقاصة والاراجوز – قنبلة ) والرباعية الاخيرة ( من غير سلام ) اللى خليتنى ماكونتش قادرة امسك دموعى.
وانت بتقرأ الكتاب من تنوع الاسلوب فى الكتاب هاتشك ان الكتاب من تاليف كاتب واحد.
تقييمى للكتاب ككل 8 من 10

اترك ردك

لن يتم نشر بريدك الإلكتروني .