عالم تعشقه الأقلام

فى يوم المرأه العالمى – لـ ساره سمير

2 9

ها انتى فى سنه كام دلوقتى ؟
د انتى بقيتى عروسه
خلصتى كليه ولا لسه ؟
مفيش حد متقدم كده ولا كده ؟
و بعد م تتجوزى
مفيش حاجه فى الطريق ؟
و بعد م تخلفى اطفال
ها بيرضع كويس ؟
بينام كويس ؟
بتغيريله كام مره ف اليوم ؟
انتى مش متعلمه حاجه انتى هتفضلى طول عمرك خيبانه كده على طول ؟
و بعد م الاطفال يكبرو
عملو ايه ف الدراسه ؟
نجحو ولا سقطو ؟
طب لو نجحو درجاتهم كام ؟
م انتى اللى مدلعاهم و مش شاده عليهم عشان كده هيضيعو منك
حشريه حشريه حشريه طول الوقت
اللى بيسال ده بيبقى عارف ان مفيش جديد
و يمكن لو كان فى جديد كان هيبقى هو اول واحد يعرف
بس يا بيسأل تطفل و فضول
يا عشان يرضى عقده النقص اللى عنده بانه يعرف فى قراره نفسه انه احسن منك و خلاص….
رجاء خاص سيبو الناس فى حالها
كل واحده عندها اللى مكفيها و مش محتاجك تزود عليها
البنت مستقبلها هى اللى بتعمله بايديها بنجاحها فى الحياه و بمكانتها و الجواز ده جزء من الحياه مش كل الحياه….
عشان كده نصيحتى لكل بنت عيشى حياتك و اتمتعى بيها و ارقصى و غنى و البسى اللى انتى عايزاه وثقى فى نفسك و ف افكارك و ارمى كلام الناس كله ورا ضهرك
انتى روعه و لستى عوره زى م بيقولو
تحياتى لكل سيده فى يوم المرأه العالمى

  1. Mohamed Saad يقول

    واحنا ملناش يوم ولا ايه عاوزين مساواه احنا كمان هى جت علينا ولا ايه 😀

    1. Sara Samier يقول

      ههههههههه اوعدك اول م البنات ياخدو حقوقهم كامله هيدو الشباب حقوقهم كمان و مش هيجو عليهم ابدا 😀

اترك ردك

لن يتم نشر بريدك الإلكتروني .