عالم تعشقه الأقلام

ديوان كونكان للشاعرة رؤى الدمرداش – معرض الكتاب 2017

0 301

عن ديوان كونكان :
يعتبر ديوان كونكان هو باكورة أعمال الشاعرة رؤى الدمرداش الورقية وهو ديوان شعر بالعامية المصرية يصدر عن دار تشكيل للنشر والتوزيع .

مقتطف من ديوان كونكان :
وسط الغنا والدندنه
وسط العرايا السكاري والنقوط
ضحك البنات كان زي توت كل الزباين تقطفه
كل اللي ممكن تعرفه
ركلام بترقص ع الوجع
وف كل ليله ف عودها عيد
وتصبلك ساعتين مرار من حضنها
وتبيع جسدها لحضرتك
من بعدهم / بتبقي بره دنيتك
ويبقي جوه كاسات عنيها زبون جديد
كانت بتسهر مجبره
كانت بتسكر مجبره
لمسة ايدينك وحدها
كات زي دبح
البنت دي جواها جرح
صعب قلبك يلمسه
يلعن الشهوه اللي مست كحلها
طول ما انت غاوي تدنسه
انا بعتذرلك عن كل لحظه باك فاير
وكل نظره عرتك
عن اي حوجه ذلتك وكشفتي صدرك بعدها
اوقات يابنت الليل بنلعن كل حاجه وعكسها
اوقات بتعمينا المظاهر نجلهوا
ان رغم التعريه
لسه جوه الروح بكاره رافضه حد يفضها

عن الشاعرة رؤى الدمرداش :
رؤي الدمرداش 22 سنه من الاسكندريه شاركت في العديد من الحفلات وتم تقديمها من قبل الشاعر هشام الجخ في احدي حفلاته بمكتبة الاسكندريه وشاركت بحفله ف ساقية الصاوي وحصلت علي لقب اميرة شعراء العاميه ومركز اول ف مسابقه اقيمت في الاسكندريه  2014 وتم تكريمها في الاسكندريه من فريق صوت البحر كواحدة من افضل شاعرات الاسكندريه الشباب وشاركت في العديد من الامسيات والندوات ف الاسكندريه و محافظات اخري  كـ طنطا والقاهره والمنصوره  و ديوان كونكان هو ديوانها الأول

اترك ردك

لن يتم نشر بريدك الإلكتروني .