شعر عاميقسم الشعر

موحشتهوش – شعر بالعامية – لـ رقية عبد العزيز

موحشتهوش
 ماهو هو بردو مش واحشني
ويوحشني ليه وهو ايه فبعده ناقصني
مبحنلوش
ولا عاوزة اشوفه او يشوفني
ولا محتجاه يطبطب عليا يداوي حزني

ولا فاكرة حاجة م الي كانت بينا يوم
ولا حتى بسهر م الحنين وسط النجوم
ولا حتى صورته مخبياها في الهدوم
ودي مش دموع دي حاجة دخلت بس عيني
ولا بشتاق احضن كف ايده بين اديا
ولا بحكي للناس حاجة عنه او عليا
ولا شايله كل رسايله جوه الشنطة ديا
انا مش بحبه  نسيته بردو عشان نسيني

انا مش متابعة
لو ناوي يعشق تاني بعدي قولوله عادي
ويشوفلو واحدة حلوة زيي في الرمادي
انا مش ممانعة
لكن قولوله قابلها يوم غير اليلادي
علشان ميجرحنيش زيادة فعيد ميلادي

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق