يوميات عنيد وعنيده – الحلقه الأولى

1 1٬994

نبتدي يومياتنا بسم الله

وهبتدي بعنيد الي هو برده اسمه كريم شاب متخرج من سنتين اداره اعمال باباه صاحب شركه كبيره ساكن في فيلا بقي وعنده العربيه بتاعته والحياه فله بالنسبه له
كريم ممكن نقول شخص لا مبالي مش متحمل مسئوليه خلص جامعه من غير اي قصه حب ولا اي اعجاب مع انه زي ما بيقولو وسيم الجامعه الي بيعترفوا له
كريم من الي شافه من كل البنات مش حاسس ان فيه بنت محترمه او محافظه علي نفسها او متربيه صح
يعني من الاخر كريم عايش حياته بالطول والعرض بدام بيصلي بيقعد مع عيلته شويه يبقي كتر خيره
اه عيلته بقي نشوف مييييين ابوه مصطفي طبعا راجل الاعمال ومامته سمر ربه منزل بس متعلمه واتفرغت لتربيتهم اخته الصغيره نهي تانيه تجاره
كريم اكتر صاحبين له احمد ومحمود بيعتبرهم اخواته ودايما عارفين سره وكل حاجه عنه
نشووووووف بقي عنيده وكمان يعرف بنات بعدد شعر راسه
اصل كريم له نظريه بيتكلم مع البنت وعادي وهزار وضحك وخروج ولو جت قالت حب او اعجاب يخلع لانه هو من الاول مش قايل ليها بحبك هو مش معترف لاي واحده انه بيحبها بس يعيني بقي البنات من وسامته تموت عليه ومن رقته واسلوبه ويمكن هما
ساره بنوته رقيقه ملامحها بسيطه مصريه علي حق في اخر سنه تجاره برده رغم انها برده بابها مستواه عالي بس عكس كريم شويه
ساره بنت متدينه ونفسها في واحد يعرف ربنا ويقربها له اكتر يعرف يحتويها ويفهمها ويبقي نفس تفكيرها شخص طيب ونقي
نفسها في واحد محترم مش كلم ولا اي بنت يوم ما يفكر في بنت كان علطول الحلال اول مدخل ليها
ساره من لبسها تقول انها بسيطه مش من عيله غنيه لانها مش مؤمنه بالمظاهر يعني لبس واسع وفضفاض ومحترم وطبعا معظم الطبقه بتاعتها زي الي كريم بيصاحبهم بنات مودرن لبس موضه قصدي القلع الموضه او المجسم
ساره عاقله جداااا وعنيده جداااااااااااااا ولانها عارفه ان مواصفات الرجل الي نفسها فيه صعبه ولانها عارفه الشباب عامل ازاي بقت مش عايزه توافق علي اي عريس لانها متاكده انه هيطلع مش الي في دماغها
ساره عيلتها بسيطه هي ومامتها سعاد ربه منزل وابوها حسن مهندس في شركه ومش عندها اخوات خاااالص
بس عندها صاحبيتين كانهم اخوات ايه ودي بقي مخطوبه ومريم ودي بقي نفس عقليه ساره ومش مخطوبه
وطبعا من الواضح ان كريم مش عاوز يتجوز ولا ساره عايزه تتجوز وكل واحد له اسبابه المقتنع بيها

وفي يوم والصدفه الحلوه
مصطفي :ايييييييه ده حسن ايه الي جابك هنا
حسن : مصطفي حبيبي عااااااامل ايه انت انا بشتغل في الشركه هنا مدير الانتاج
مصطفي : والله زمااااااااااااااان انت فين يا ابني انا هنا لان شركتي عامله مشروع مع بتاعتكم وعشان كده انا هنا
حسن : ياااااااه شوف الصدفه بس مش هسيبك لازم نشرب القهوه مع بعض
وشربوا القهوه واتغدوا كمان وكل واحد حكي عن الي حصل له من وقت ما سابه بعض
نفهم بقي ايه الي جاب عمو مصطفي لعمو حسن
هبسطهااااااااااالك مصطفي من هو صغير كان جار حسن بس ابو مصطفي سافر بيه وعشان كده بعدوا عن بعض واتقطع الصله من وهما في ثانووي وكانوا اكتر من الاخوات لانهم متربين سوا من الطفوله
وتمر الايام ورجع الاخين لبعض ويتقابلو في الشركه اكتر من مره بقي والكلام يجر الكلام وهكذااااااااااا
لحد في يوم بقي
مصطفي : انت مش بتقول عند بنت يا حسن
حسن : اه ساره يا مصطفي
مصطفي : وانا عندي كريم وانت عارف انت اخويا ومش عايز نفترق ابدا ونفسي نبقي نسايب ( ياااااارب كريم يوافق عليها انا متاكد ان هي دي الي هتعجبه لان متاكد من تربيه حسن )
حسن : ده يبقي يوووم المني والله ( ربنا يستررررررررررررر ياااااارب وساره توافق اصل انا عارفها واكيد ابن مصطفي زيه كده)
نروح بقي لعنيد وعنيده ولحظه الاعتراف ليهم

مصطفي : ابنك فين يا سمر
سمر : نايم هصحيه واجيلك انت عاوزه في حاجه
مصطفي : اااااااااااه ناااااااااايم طبعا زي كل يوووم ما هو ده الي فالح فيه
كريم : صباح الخير يا درش لا صاحي ومالك متعكنن ليه بس مين زعلك اوعي تكون الموزه دي
مصطفي : واااااد انت اتكلم مع امك باحترامك وتعالي عشان عايزك ويا سمر هاتي القهوه
سمر : القهوه خييييييييييييييير
كريم : نعم يا بابا خير انا سامع اهوت اتفضل ( ياااارب ميكنش عشان الشغل مش ناقص خناق عايز الحق اخرج للعيال بقي )
مصطفي : عايزك في موضوع مهم
كريم : انا سامع اهوت ( نقيييييييت يا احمد شكلي مش جااااااي )
مصطفي : انا جايب ليك عروسه
كريم : هههههههههههههههه هو ده بقي الموضوع المهم
مصطفي : بتضحك لي يا حيوان
كريم : اصل حسستني ان الموضوع حاجه مهمه حياه او موت
مصطفي : وده مش مهم ياااااااد انت انت هتشلني
كريم : يا بابا مش مهم وانت عارف راي في الموضوع ده وانا مش مستعجل علي حاجه
مصطفي : لكن انا مستعجل مش عارف هعيش لحد امته ويا تري هشوف احفادي ولا لا
كريم : باس ايد باباه ليه بس السيره دي ربنا يديك طول العمر ليه بس العكننه دي اهدي بس
مصطفي : بس مش هتاخدني في دوكه انت هتشوفها يعني هتشوفها وبقول اهوت وده كلام رجاله وانا خلاص اتفقت علي الميعاد
كريم : ده انت بقي مظبط كل حاجه
مصطفي : سميها زي ما تسميها ما هو لما ابني يبقي زيك كده يبقي هو ده الحل
كريم : خلا ص يا بابا الي تشوفه

نشوف بقي ساره
حسن : بنتي يا حبيتي تعالي
ساره : خير يا بابا
حسن : يحضر ليكي الخير يا حبيتي بصراحه ومن غير لف ودوران وانتي عرفاني بقي بحب الوضوح
ساره : ايوه يا بابا
حسن : انتي متقدم ليكي عريس
ساره : بس يابابا انت عارف راي في الموضوع ده
حسن : يا حبيتي انتي مش عارفها لسه وان شاء الله هيطلع زي الي في بالك كفايه ان بابها اخويا من صغري فاكره مصطفي الي كنت بحكي عنه
ساره : اه عمو مصطفي ماله
حسن : ده بقي يبقي ابنه وبصراحه عمك مصطفي كانه انا فاكيد ابنه زيه
ساره : خلاص يابابا الي تشوفه

في بال كل واحد
كريم : اهلا بالعروسه الجديده ده انتي هتشوفي ايااااااااام سوده الله يرحمد بقي ابويا الي جني عليكي قال اتجوز قال
ساره : اهلا بالعريس الجديد ده انت هتشوف مني الي هتحلف بيه طووول حياتك عمو مصطفي هيقطع علاقته بيك يا بابا قال اتجوز قال

[su_highlight background=”#d91f1b” color=”#ffffff”]انتظرونا والحلقه الثانيه يوم الخميس إن شاء الله[/su_highlight]

تعليق واحد
  1. الكاتب..والشاعر-الناشئ- عبيدة ياسين يقول

    يا اخوتي لماذل لا تلتزمون بالفحصى…..
    هذه لغتي
    ومعجزتي ع
    صا سحري حدائق بابلي ومسلتي
    وهويتي الأولى ومعدني الصقبل…

اترك ردك

لن يتم نشر بريدك الإلكتروني .